(بيت كل المبدعين العرب)
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 مر عام الشاعر المبدع الأستاذ المستشار/ محمود محمد صابر فى الذكرى الأولى للرحيل الغالى أبى

اذهب الى الأسفل 
كاتب الموضوعرسالة
رئيس مجلس الإدارة
Admin
avatar

المساهمات : 160
تاريخ التسجيل : 09/02/2018
العمر : 50

مُساهمةموضوع: مر عام الشاعر المبدع الأستاذ المستشار/ محمود محمد صابر فى الذكرى الأولى للرحيل الغالى أبى    الإثنين نوفمبر 12, 2018 4:13 pm




محمود محمد صابر
خاص بالمسابقة
مر عام
وكأنه لسه امبارح بس
مخلوق الفراق
مر عام
وكل يوم بيعدى يزيد الاشتياق

كل لمة لينا .... بيك
كل كلمة طالعة منا
اما عنك .... اما ليك
كان بيضحك
كان بشوش
اَي حاجة في ايده لينا
عمره ما فكر يحوش
الف رحمة ونور عليك

كل واحد منا يابا فيه ملامحك
حتة منك
اما نظرة
اما حركة
اما ضحكة
او حتي طريقة الكلام
رحت يابا
بس لسه فينا عايش
رغم انه
مر عام ..

انت رحت صحيح يا ابويا
بس سايب ليا منك
نسخة طبق الأصل
اخويا
قلب شايل نفس طيبتك
روح بتعكس حلو صورتك
حضن واسع لم بعدك
كل من عشقك يا ابويا

فت ليا أخت هي
م السما اجمل هدية
طيبة وَيَا مسئولية
م الرجال تتعد مية
في الجمال زينة الصبايا
ف الأدب ساكنة العليا

فت لينا ام دار
بابه مفتوح ليل نهار
للمسافر
والمعافر
واللي خايف الانكسار
في عز برد الدنيا هي
دفا شمس النهار

سيبت لينا سيرة حلوة
سيبت قيمة واحترام
رحت يابا
بس لسه فيناعايش
رغم انه
مر عام

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ebdaagroup.yoo7.com
 
مر عام الشاعر المبدع الأستاذ المستشار/ محمود محمد صابر فى الذكرى الأولى للرحيل الغالى أبى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية إبداع الثقافية :: المنتدى الأدبي :: منتدى الشعر-
انتقل الى: