(بيت كل المبدعين العرب)
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 للشيطان ألف وش الشاعر/ السيد محمد صابر

اذهب الى الأسفل 
كاتب الموضوعرسالة
رئيس مجلس الإدارة
Admin
avatar

المساهمات : 160
تاريخ التسجيل : 09/02/2018
العمر : 50

مُساهمةموضوع: للشيطان ألف وش الشاعر/ السيد محمد صابر    الخميس نوفمبر 15, 2018 1:25 am

للشيطان ألف وش
=========
الشيطان مهما كان
إنسى يعنى ولا جان
لازم يكون له الف وش
لازم يكون حلو اللسان
يوهم جنابك بالأمان
لجل القلوب تعيش فى غش
الشيطان بيكون صديق
شكله مخلص أو برئ
بس يهدم ألف عش
الشيطان بيكون حبيب
بس حبه كتير غريب
لا بينكسف ولا يوم يكش
الشيطان عايش مابينا
بألف حالة
نعرفه ونعرف مكانه
الكل منا وله شيطان
الكل منا وفيه شيطان
ونعترف دى الإستحالة
بتكون شيطان
لما بتخون الأمانة
لما تكشف سر كان
ولا تشعل نار وفتنة
لما بتسيب اللسان
بدون لجام
لما تغلط بالكلام
وتفتكر إن احنا متنا
بتكون شيطان
بتكون شيطان
لما بتفرق صحاب
لما بتكون وانت بينهم
حمل وديع
والخناجر بإيدك بتطعن
والشعار أنك تبيع
كل شئ واى حد
ما انت فى الاساس وضيع
بتكون شيطان
لما تلبس توب ملاك
بس لما الناس تشوفك
وانت وحدك فى المكان
دعوتك للناس هلاك
كل شئ
بيكون فى فعلك
بس ليك
الكون دا مفهوش سواك
الشيطان فى الإنس أكتر
فعله بين الناس بيكتر
موتوا فيكوا الشيطان
موتوا فيكوا الشيطان
===========
السيد محمد صابر



_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ebdaagroup.yoo7.com
 
للشيطان ألف وش الشاعر/ السيد محمد صابر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية إبداع الثقافية :: المنتدى الأدبي :: منتدى الشعر-
انتقل الى: