(بيت كل المبدعين العرب)
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 عتاب لصديق ,,,,,, السيد محمد صابر

اذهب الى الأسفل 
كاتب الموضوعرسالة
رئيس مجلس الإدارة
Admin
avatar

المساهمات : 160
تاريخ التسجيل : 09/02/2018
العمر : 50

مُساهمةموضوع: عتاب لصديق ,,,,,, السيد محمد صابر    الثلاثاء نوفمبر 27, 2018 11:36 pm

عتاب لصديق
======
وكأنى بشوفك أول مرة
مغرور كداب وأنانى
بياع بتبيع بكلام معسول
ووعود بتقول
إنك مشغول
لكن فى الحلم أكيد بانى
ويمر الوقت وقلت خلاص
هيبان المعدن والإخلاص
أتاريك بتحارب بكل حماس
بتهد بإيدك فى كيانى
وأنا فاكر إن مفيش غيرك
ومستنى كمان فضلت خيرك
تشيل بإيديك وتكون مع أخوك
وأنت مفهمنى وقولت باعوك
وفاتوك فى المركب وحدانى
وعشت كتير مستنى تعود
وتنفذ شئ من بعض ووعود
وتغيب وتغيب وتقول موجود
أأمر وأنا أجيلك فى ثوانى
وتمر أيام وشهور وسنين
ولا تسأل حتى بنظرة عين
وإن مرة سألت وقولت دا فين
ألقى أعذارك سبقانى
فهمنى وقولى نويت على إيه
ويوم عن يوم بتبعد ليه
لوكنت خلاص بايع ما تقول
أكيد هيكون إنسان تانى
الحلم حلمته وعشته كمان
ويوم عن يوم بقى اسمه كيان
والكل بيحلف بكل نجاح
نادر تلاقيه فى زمانى
أحبابه كتير فى كل مكان
والكل سعيد جدا فرحان
وانا خايف ااقول انك غيران
وكلامك لسه فى ودانى
لو عايز تكبر وحدك قول
وبلاش توهمنى إنك مشغول
خليك صريح وتعالى على طول
دا نجاحك يبدد أحزانى
أنا أفرح لما تكون أستاذ
ويكون لك ميت مليون إنجاز
ولا أزعل أبدا مهما يكون
دانت من أهلى وخلانى
دانت من أهلى وخلانى
===============
السيد محمد صابر



_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ebdaagroup.yoo7.com
 
عتاب لصديق ,,,,,, السيد محمد صابر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية إبداع الثقافية :: المنتدى الأدبي :: منتدى الشعر-
انتقل الى: