(بيت كل المبدعين العرب)
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 القصيدة الفائزة بالمركز الثانى فئة الشعر العامية الشاعرة /نفيسة حيدر قلاب السودان

اذهب الى الأسفل 
كاتب الموضوعرسالة
رئيس مجلس الإدارة
Admin
avatar

المساهمات : 195
تاريخ التسجيل : 09/02/2018
العمر : 50

مُساهمةموضوع: القصيدة الفائزة بالمركز الثانى فئة الشعر العامية الشاعرة /نفيسة حيدر قلاب السودان    السبت ديسمبر 22, 2018 4:23 pm

نفيسة حيدر قلاب
السودان
الشعر العامي
عنوان القصيدة .بريدك

بريدك يالعزيز ريدا خرق لي
العادة
نارك طالقه في جوة القلب وقادة
قلبي اصبح معذب وبيهو اسمك نادة
قرب لي تعال انا روحي زيدته سهادة
***
وين ماتشمي روحي بتبعك بارياكا
في الصاحا والمنام انا روحي حد طارياكا
يالتلب السطع فوق لي القمر محياكا
فاقداك يالعزيز بيهو الصبر راجياكا
***
تعال قرب علي خلي العيون تتلاقا
من باب الحنان افتحي شرفه وطاقه
يادخري الحمول لوما بقينا نحنا رفاقه
تبقي مصيبه حلت وجاتني ميه عاقه
***
داخراك للزمن دايراك امير احلامي
دايراك بالحلال وتزيل جميع الامي
كان جمعو الخلوق والدنيا عامه امامي
ما بختار سواك يالببصمك ابهامي
***
لون السمرة شلتو وفيك صفات عاجباني
والهيبه العليك انا ليك كتير جاذباني
يا فارس ام خيول ماقالو عنك جاني
فيك عينين بتملع لولاءن مرجاني
***
بعدك حـوة عقـرت وذتهن اهاتي
فيك بنظم حديثي واجدعن نماتي
ريدك يالعزيز كل ثانيه بيهو بهاتي
انتا البسمه والفرحه الملازمه حياتي
***
يوم فرقك يمين تلقي العيون تتبكه
قلام الرقاب ساعه السيوف تنشكه
عيون الصيد عيونك ومنك ابنفكا
والكاينه التكون كان الارض تندكة
***
مابتخلي عنك وفيك بجيدو غنايا
يالريدك مناعتي وصرت كل مناي
حن ارجوك علي من الماسي كفايه
مرضان العشق ما اظن بتشفي محايه
***
ياخ ارجوك فكر في حياتنا دقيقه
يالهالكني ريدك وحارقو قلبي حريقه
الرايداك مكسرة فيك وضاله طريقه
دايرة البينا دايره كلو يبقي حقيقه
***
درة شندي نطقت وبي مشاعرة باحت
وفي ريدك يمين يوم بالغلط م ارتاحت
كم سهرت ليالي ومن غرامك ناحت
وكل ما يطرو اسمك تلقي روحا ارتاحت
***





_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ebdaagroup.yoo7.com
 
القصيدة الفائزة بالمركز الثانى فئة الشعر العامية الشاعرة /نفيسة حيدر قلاب السودان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية إبداع الثقافية :: المنتدى الأدبي :: منتدى الشعر-
انتقل الى: