(بيت كل المبدعين العرب)
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 إفتحي الشنطة الكبيرة الشاعر/ محمود محمد صابر

اذهب الى الأسفل 
كاتب الموضوعرسالة
رئيس مجلس الإدارة
Admin
avatar

المساهمات : 195
تاريخ التسجيل : 09/02/2018
العمر : 50

مُساهمةموضوع: إفتحي الشنطة الكبيرة الشاعر/ محمود محمد صابر    الأربعاء يناير 02, 2019 3:10 pm

إفتحي الشنطة الكبيرة
ولملمى فيها الحاجات
واوعي تنسي تحطي ضحكة
وَيَا حبة ذكريات
حطى لمسة حضن دافي
حطى حب ف قلب صافى
حطى صورتك
وصورة لامي
صورة ابويا
حطى صورة للولاد
حطى صورة للشوارع
للمزارع
للجوامع
نسمة الفجر اللي طالع
حطى صورة لكل لمة
وكل صحبة
للدقايق والساعات
حطي فيها اَي حاجة
تهون وجع البعاد
إفتحي الشنطة الكبيرة
لملمي فيها الحاجات
لملمي العمر اللي عدا
والسنين فيه عُقد فارط
وإلعني غربة بُعادنا
غربة خلت عقلي شارد
عجزت الجذع بدرى
والفروع الشادة مالت
إلعنيها ف كل لحظة
ف كل ضحكة
ف كل صرخة
وإلعنيها في السكات
إفتحي الشنطة الكبيرة
ولملمي فيها الحاجات
لملميلي من امي دعوه
خالصة ليا في السجود
ربنا يستر طريقي
وتتفتح ليا الحدود
واني اعود لك بالسلامة
وينتهي زمن الشرود
لملميلي نصح ابويا
دي النصيحة بدر عالي
الحرام اسيبني منه
وانتبه بس لحلالي
وان ببان الرزق سدت
في الصلاة مفتاحها دايما
كل ما تسجد لربك
قيمتك هتكون في العلالي
وأوعي يوم تخسر كرامتك
دا اللي بيخسر كرامته
زيه زي اللي مات
افتحي الشنطة الكبيرة
ولملمي فيها الحاجات
محمود صابر



_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ebdaagroup.yoo7.com
 
إفتحي الشنطة الكبيرة الشاعر/ محمود محمد صابر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جمعية إبداع الثقافية :: المنتدى الأدبي :: منتدى الشعر-
انتقل الى: