فى فئة الزجل :- ========== فاز بالمركز الرابع م الشاعر/ أحمد حامد أحمد { أحمد أبو عاصم } (مصر) بقصيدة (عبده مشتاق)

فى فئة الزجل :-
==========
فاز بالمركز الرابع م الشاعر/ أحمد حامد أحمد { أحمد أبو عاصم } (مصر) بقصيدة (عبده مشتاق)
خاص بالتصفيات { فئة الزجل }
# -- عبده مشتاق .. !!!

مشتاق للمحشي وللفته
ويادوب متشعر بالشطه .. **

واللحم الضاني ولو حته
أو حتی بورك من البطه
ورقاق ف صواني ومتحمر
مع طاجن بالرز معمر
واحشِني بقالهم كام مده
والعدس الأصفر وبجبه
بقی ليهم ف البطن مغبه
والفول النابت ومدمس
بقی عاده وكله بيتغمس

مشتاق للمحشي وللفته
ويادوب متشعر بالشطه .. **

أنا نفسي ف غدوه من الحاتي
أجريلها واشمر واتحمس
لو مره تظبط ف حياتي
أيامي وعدت متحنس

مشتاق للمحشي وللفته
ويادوب متشعر بالشطه .. **

مشتاق والشوق نشف بطني
محتاج لعزومه تظبطني
وادعيلك ياللي تغديني
بس اصدق واوعی تشبطني

مشتاق للمحشي وللفته
ويادوب متشعر بالشطه .. **

مشتاق لوليمه من الفاخر
وترمم عضمي اللي اتخوخ
باللحم وأنواعه وزاخر
واترسها لو حتی أدروخ

مشتاق للمحشي وللفته
ويادوب متشعر بالشطه .. **

بقلمي أحمد حامد أحمد { أحمد أبو عاصم } / مصر