فى فئة الشعر العامية :-
==============
فاز بالمركز الثانى مكررالشاعر /محمد علي أبو النجاه(سلامة أبو النجاه)(مصر)بقصيدة)(مذكرات شهيد من مسجد الروضة)
الإسم : محمد علي أبو النجاه
والشهره : سلامه أبو النجاه
جمهورية مصر العربية
الفئة : شعر عاميه
خاص بالمسابقه
أسم النص : مذكرات شهيد من مسجد الروضة
......................................................
( مذكرات شهيد من مسجد الروضه )
واخاف الدنيا تفتني
وفتوة كفر تقتلني
واموت م الخوف لكن عايش
في قبر بنيته من ظني
واخاف إني
في سكرة موت أتوه مني
وابات ذكرى على الهامش
ما بين ميت وبين عايش
وصرخة آه تنوب عني
وأسأل عني خلّاني
أنا التايه في وجداني
يا اهل الجود هلال مفقود
ما بين شطين في اوطاني
يا مين يلقاني ويجيبني
أصلّي الجمعه جنب ابني
ولو دبحونا ميت مرّه
نعيد الكرّه من تاني
وبعد ما وقعت الكارثه
دفنت القلب قال : لسه
لازال النبض في الجثه
بيلعن ملّة الجاني
نويت والنيّه مفروضه
أرد اتوضا في الروضه
لاقيت الميضه مسدوده
بدمي ودم اخواني
دفنت اوجاعي في ضلوعي
وبعض اشلائي ف احشائي
طويت الدهر في ركوعي
افحفر عني موش لاقي
يادوب كفين بيتوضوا
في قلب موحّد المولى
وحتة كبد كان مهري
لكنه بيعشق الدوله
وطفل يادوب بيتكلم
بيسأل دمه ايه ذنبه
وشيخ راكع ما بيسلّم
خانوه خاشع في بيت ربه
وعقرب ساعه ع الحائط
واقف صامد لكن صامت
شاف الاحداث لعن صمته
وقال يا كلاب خلاص هانت
صرخت بعلو ما فيا
يا عبد الله فين القريه ؟
شاورلي براسه ع المدنه
وقال شهداءها في الجنه
عيون القلب موش ممكن
تشوف الروضه بيأذّن
ويغمض جفنها إلا
تصلّي الجمعه ف المسجد
..........................
مذكرات شهيد من مسجد الروضه
سلامه أبو النجاه