فى فئة الشعر العامية :-
==============
فاز بالمركز الثانى مكرر الشاعر /محمد ثروت عبد الحفيظ (مصر) بقصيدة (عيشت بأحلم)
قصيدة بعنوان.... عيشت بأحلم
فئة الشعر العامى......قصيده تنطق بصيغة المؤنث
العنوان....كفر صقر شرقيه
عيشت بأحلم ب السعادة
لما عينك جت فى عينى
كنت فاكره الحب جنه
وأن قلبك كان شارينى
وإتولد جوايا شوق
رغم بعدك كان كاوينى
كان شاغلنى حلم واحد
إن قلبك مش ناسينى
وإن مهما بعدت عنى
بكره شوقك هينادينى
كنت بأستنى ف رساله
او جواب من يجينى
يبعد الشك اللى عايش
واللى صار بعدك عامينى
قول بحبك ليه ناسيها
يالا قول حسسنى بيها
رجع الفرح اللى فيها
واللى كان وياك مالينى
هان عليك الذكرايات
واللى بينا ف لحظة مات
ليه بتبعد من سكات....؟
ليه فى نار الشوق رامينى...؟
كلمات الشاعر محمد ثروت عبد الحفيظ
موضوع: فى فئة الشعر العامية :- ============== فاز بالمركز الثانى مكرر الشاعر /محمد ثروت عبد الحفيظ (مصر) بقصيدة ( عيشت بأحلم) 
الأحد يناير 27, 2019 7:04 pm