أكيد بحبك
=======
شئ طبيعى إنى أحبك
وإنى أدوب كمان فى حبك
ماأنت مصر إللى عشانها
الروح تهون ليوم فى قربك
بس الحكاية مش كلام
مش عشان ااقول بحبك
يبقى لسانى بدون لجام
اسب فيك وااقول عليك
ووصفك إنك وضيعة
وأقول عليك حاجات فظيعة
مصر أنت وأحنا شعبك
والخطأ بيكون سلوكنا
وإللى حكامنا واللى مالكنا
فرد منا مش غريب
عمرك أنت ماكنت ظالمة
ولا كان شهدك دا مر
العقول هى اللى ضالمة
والظلم عاش مابينا عمر
شعب عايز كل حاجة
ومش هيدى أى حاجة
فى المدارس علمونا
إنك انت كل حاجة
بالكلام
بس نسيوا يعلمونا
إنك كمان بينا تكونى
إنك كمان لينا فى حاجة
دا الغرام
إن الضمير لو نام يا غالية
الغرب ييجوا يملكونا
علشان كدا الجندى حارس
ونص شعبك فى المدارس
وفى المصانع والمزارع
والمصالح والمساجد والكنايس
بس حبك شئ طبيعى
شئ روتينى قى قلبهم
عمره ما كان يا غالية دافع
علشان خلاص دفنوا الضمير
والنصح ليهم ماعدش نافع
بيرجعوا تانى يقولوا
إن أنت ظالمة والمرار
دا طبع فيك
ودا شئ كتير
لو كنت شاعر
إزاى أصور المشاعر
بحروف عبيطة
أزاى أخلى م الحروف
هوسة وظيطة
وأصرخ كمان وأنا بشتمك
وأنت الأمان وأنت الوطن
من غير ما أسأل نفسى يوم
حبك دا ايه ؟
ولا بحبك بس ليه ؟
ولا مرة أبص فى الخريطة
[/center]