الحكاية هى هى 

الحكاية هى هى 
========
من زمان ... 
والحكاية هى هى 
نظرة واحدة بس شايلة 
جوه منها ألف نية 
ناس تفسر كل شئ 
بالخيانة 
ناس بترفض أى خير 
أى فعل بتوصفه 
ذل ومهانة 
بحسن نية 
وأنت أنت زى ما أنت 
صابرة جايز 
عاجزة ممكن 
ومهما طال العمر بيك
أنت الصبية 
ربتيهم جوه حضنك 
نكروا خيرك 
ضمتيهم بردو أكتر 
شافوا غيرك 
شككوا فى كل شئ 
حتى ف تاريخك 
حتى فى جيشك 
اللى علم البشر
معنى الشجاعة 
علموا حتى الولاد 
خسة وضاعة 
أجيال بتكبر بألف وش 
حفظوا التاريخ زيفوه 
زور وغش 
تاريخ صناعة 
صنعه خاين مدعى 
قصده يهدم اللى باقى 
عايز يشوفك فى سنين عجاف 
الزرع ينشف م الجفاف 
وأرضك شراقى 
عايز شبابك يرفعوا 
راية الجهالة 
وعمال مصانعك كلها 
من بعد عز
عايشين عوالة 
عايز يشوفك تشحتى 
وتفرطى 
يقوم عدوك يملكك
ودا استحالة 
من زمان ......... 
والحكاية نفس العبارة 
عيون بتنهش لحمك إنت 
طمعنين ...
حاولوا مرة وألف مرة 
بس يرجعوا مهزومين 
النهارده عرفوا تانى يرجعوا لك
من ألف باب 
من باب تدين شعبك أنت 
أو حتى ثورة للشياب 
رجعوا لكن ربنا حفظك بحفظه 
هو قال مدخلك أمن وسلامة
يابهية ....متخافيش 
من زمااان 
والحكاية هى هى 
========= 
من ديوانى الرابع 
ياريت نحبك