فى فئة الشعر العامية :- ============== فاز بالمركز الثالث الشاعرة / إيمان السباعى عوض الله (إيمان رضوان)(مصر)بقصيدة(جنون الحب)

فى فئة الشعر العامية :-
==============
فاز بالمركز الثالث الشاعرة / إيمان السباعى عوض الله (إيمان رضوان)(مصر)بقصيدة(جنون الحب)
(جنون الحب)

رنين صوتك مابيسبنيش
واشوف القسوة في طباعك
واخالف قلبي ف هوايا
ميرحمنيش
واقول يا روحي ليه اقسي
وسيبك منه يوم وانسيه
خسارة يكون في دنيايا
وساكن روحي جوايا
ونبض حروفي وبكايا
مدام بايع ميلزمنيش
يدوب ساعتين
يفوتوا عليه زي يومين
والوم روحي
واتندم علي خصامه
واحس الدنيا من غيره
خلاص وقفت بهجرانه
واستني
لحد ما يجي يصالحني
يقولي الدنيا من غيرك
متلزمنيش
ماهو انتي الدنيا وما فيها
وبعدك عني جنني
ومتحملش في بعادك
لحظه اعيش
يرق القلب من تاني
وانسي جفاه وانساني
واشوف ف عيونه
احلي كلام
واحس ملكت دنيايا
وبتصالح مع الايام
وأكون جمبه ويوحشني
واداري واخبي ف مشاعري
وعزة نفسي تمناعني
وبعمل اني مش سامعة
وانا اللي قلبي داب ف هواه
ولا عارفين في يوم نبعد
ولا نقرب
ولو قررنا نتفارق
نلاقي قلوبنا بتقرب
وع الحال ده بقالنا سنين
عيونا لبعض مشتاقه
وجوا قلوبنا شوق وحنين
وبنكابر
ولو مرة بنتقابل
بنعمل روحنا مش حاسين
قولولنا ياللي حبيتوا
ده حب ولا تضحيه
ولو مش حب يبقي
احنا من المجانين