رئيس مجلس الإدارة
Admin
المساهمات : 255
تاريخ التسجيل : 09/02/2018
العمر : 56
 |  موضوع: صعب إحساس التفاؤل.....................بقلم : أميمة سلطان  الأحد فبراير 10, 2019 1:25 am | |
| صعب ....... صعب إحساس التفاؤل طول ما بحر اليأس مادد كل شئ ف الدنيا شارد كله خارج عن طبيعته كل قلب صبح طريقته إنه ياخد كل شئ ضاع من الناس الطريق والبرئ أصبح مُدان دنيا فيها البهلوان سهل يبقى من الأكابر قد إيه الظلم كافر قد إيه العدل ضايع صعب إحساس التفاؤل واحنا ف السوق البضايع د النفاق دلوقتي شايع والصراحه ماليها مطرح دنيا فيها الناس بتفرح ف البلاوي والمصايب طول ما صوت الحق غايب مستحيل يطلع نهار مستحيل ح نلاقي جنّه والجميع قايدينها نار كلّه ساب القمه فاضيه كله راح للإنحدار شئ طبيعي الإنكسار يبقى ع الناس المسيطر كان زمان الحلم أخضر والنهارده الحلم غامق مين يعيش ف الدنيا رايق والجميع شايل معاول دي الورود صبحت قنابل والضلام دايما بيزحف والجميع قاعد يقابل طول ما فينا الليل ممدد صعب .. إحساس التفاؤل .... بقلم : أميمة سلطان  | |
|
