رئيس مجلس الإدارة Admin
المساهمات : 255 تاريخ التسجيل : 09/02/2018 العمر : 56
| موضوع: فى فئة الشعر العامية :- ============== فاز بالمركز الثانى الشاعر /رضا علي احمد ابو شنب(مصر)بقصيدة ( قولو لعمر) الأحد يناير 27, 2019 6:41 pm | |
| فى فئة الشعر العامية :- ============== فاز بالمركز الثانى الشاعر /رضا علي احمد ابو شنب(مصر)بقصيدة ( قولو لعمر) رضا علي احمد ابو شنب ميت غمر قصيدتي (قولو لعمر) قصيدة فئة عامية قولو لعمر ان الديابه قاعدة تاكل في الغنم خلونا نكفر بالأله وصنعنا بايدينا الصنم واللي بيسرق نرفعه وبيتسجن اللي اتظلم لما الكلام يصبح سكات يبقي الوجود زي العدم وبنتعجن وسط الاهات والصوت بيعلي من الالم وسط الامم كنا قامات وبقينا في بلادنا خدم لو يرفعو لينا الرايات يكفينا في بلادنا العلم اكرمنا ربنا في الايات خلانا من خيرة الامم نصنع بايدنا المعجزات ولا كنا بنحس بندم لما الايمان في القلب مات ماتت معاه كل الهمم وبقينا نندم علي اللي فات وتاريخنا في البير اتردم ******************** شوفنا العذاب دقنا الالم ووجودنا بقي زي العدم زي الرغاوي بنختفي او بيت كبير يوم اتهدم وبقينا في وسط البشر اصفار علي شمال الرقم قاعدين بنقتل بعضنا والدم جوانا انكتم ولا حد فينا مرة فاز الكل في الحرب اتهزم اصبحنا عبرة للزمن بيضربوا بينا المثل وبيقتلونا في الحكم ياسيف عمر ********************* يا سيف عمر قص الرقاب خلص بلادنا من الفساد احمينا من غدر البشر وارحم قلوبنا من العذاب اقطع ايدين المفسدين احرق بيوت المجرمين ادعي عليهم يا عمر واحنا معاك هنقول اميين | |
|