القصيدة الفائزة بالمركز الثالث م فئة الشعر العامية الشاعر/ يسرى محمد عثمان المدنى

حدوته عاميه من جزئين
مرتشى وندل ((جزء اول)
وصيةالعرض للشريف (جزء تانى)
-------
الشاعر/ يسرى محمد عثمان المدنى
المرتشى المنافق
------
يبقى صاحبى راكب فيورا
وابقى انا راكب حمار
والزبيبه عليها قوره
والشرف خزين ودار
---
حارتشى وكمان حنافق
وابقى للمدير مرافق
اللى عايز حاجه يدفع
بنكنوت لحمه وخضار
---
طب حنافق
والا اطاطى
إطلعوا من تحت باطى
الحياه والعمرواحد
والزمن م العمر واخد
طب سيبونى حبه اطبل
والا يوم ارفع قُماطى
-------
خدنوا ايه م المرجليه
غير هموم المسئوليه
انتوا تشتغلوا انا اقبض
هيه دى العيشه الهنيه
-----
جوخ راح امسح
وبصندوق نداله حاسرح
امسح المطفى ينور
ابقى زى فلاش اصور
هيه دى عيشة التطور
وانتوا إتعشوا فول حراتى
-------
ندل ايوه مش اصيل
الاصيل طب نابه ايه
حتى دا بيصعب عليه
م المقاسى واللى فيه
-------
لما اصون اللقمه بينا
وتقولولى عيش وملح
بتصلحونى سِنه سِنه
يعنى تبقى عيشتى كُح
------
مش موافق ابقى منكم
تخلطوا زيتى بدقيقكم
انتوا فقر تحبوا دينكم
اما دينى فلوس ودح
----
حتى لو دار الزمان
طبعى دايما بيقى جاهز
ايوه طبعا العوبان
حادى للاندال حوافر
----
انتوا بقى إتعشوا ضمير
اتعشى انا سمنه وفطير
عندى كل المر جاهز
مهما قولتوا واد خطير
النهايه انا اللى فايز
اصل انا إترقيت مدير
---------
وصية العرض للشريف
----
------
والله كلامك واجع ودنى
عمره ولاحايجيب ويودى
انده اصرخ مهما تهادتى
هو يادوب ساعتين ويصدى
--
اما كلامى ياصاحبى نقاوه
زفت وطين متعاص بحلاوه
وانتى كلامك ضى النور
والضلمه مليانه طراوه
----
مين راح يسمع والا يصدق
كل الناس باصه وبتبحلق
عاللى بيدبح عجل وتور
مش عا الفاطر عيش بتاوه
---
انت حاتوزن والا تقسطس
دانت جناحك يابنى مقصقص
بالرشوه راح تصلب طولك
حد تجيله النعمه ويرفص
-----
هات بضميرك خزين البيت
إنزل عبى شرف م الغيط
اكسي عيالك حلو مقالك
والله ياصاحبى معاك جضيت
----