فى فئة الشعر العامية :- ============== فاز بالمركز الرابع مكرر الشاعر / اشرف محمد على(أشرف عبد الدايم )(مصر) بقصيدة (فلسطين فى سفينة)

فى فئة الشعر العامية :-
==============
فاز بالمركز الرابع مكرر الشاعر / اشرف محمد على(أشرف عبد الدايم )(مصر) بقصيدة (فلسطين فى سفينة)
خاص بالمسابقة
الاسم/ اشرف محمد على
( اشرف عبدالدايم )
البلد /مصر
الفئة / عاميه
عنوان القصيدة /
فلسطين فى سفينة
................
قاعد
جمب الشط وبكتب
ايه اللي بيحصل جوه الميه
جات بنت
حلوه , اموره
ندهت لى بس ب حنيه

وكتبت ع الارض فلسطين!
القدس وغزه ب رمل وطين!
قولت لها وسختى ايديكي
قالت لى غسلها الدم سنين

شوفت ف اخر البحر سفينه
موجه بتبكى عليها حزينه
لفين كات رايحه ؟
وايه اللي جرا لها ؟
وايه اللى يبكى الموجه عشانها ؟

سألت البحر وسمك الحوت
قالو لى أطفال وشباب ب تموت
قالو لي رصاصة الغدر ب تقتل
جوه قلوب الناس ب تفوت

سمعت صراخ البحر عليهم
ب يحضنهم نفسه ينجيهم
ام ب تنده فين اطفالى ؟
صوت صرختها كانت وصلالي
صوت من كل مكان ينادينى
دمعى ب يبرق جوه ف عينى

يالي هدمتوا الحلم العربي
وعلمتونا النطق الغربي
ازاى تنسوا القدس ف ثانيه ؟
مهما تعيشوا الدنيا دى فانيه!

اسألوا ابن العاص وصلاح
عن طعم الجنة ب كل كفاح
إزاى سبتوها سداح ف مداح ؟

يا فلسطين راح تصبحى حره
بكرا هناخد حق الدره
بس انا عايزك تفضلي صامدة
صابرة, قويه
وأنا علشانك هبقى ضحية

اسألوا كل شهيد ف بلادي
عن طعم الجنة وقولوا لولادي
إن الجنة مهيش ب المال
دى للي بصوت الحق ينادي

وقولوا للبنت اللي على الميه
أنا راح اعبر جوه سفينة
وفلسطين راح تبقى المينا
هرسي هناك
واللي ه يسأل مين رساك ؟
ه يكون صوت المدفع ردى
علشان ارضي
طيني وعرضي
عمرها تاني م ه تكون ودى
وزى م خدنا زمان فوق راسنا
بكرا هيجي اليوم وهاندي

وحياة صرخة ام ب تبكي
جايه ب تصرخ ابنها مات
وحياه كل شهيد ب يضحي
رافض انه يعيش ف سكات
وحياة كل دموع أطفالنا
م اللي جرا لنا
ل نخليكو تعيشوا أموات .

الشاعر /اشرف عبدالدايم