الأسم // يوسف الفيشاوى
البلد // مصر
الفئه // شعر غنائى
اسم المشاركه // إوعدينى
---------------------------------------
(( إوعدينى ))
------------------
أوعدينى يدق قلبك بس ليا
كل دقه يقول حبيبى ونور عينيه
إوعدينى ياضى عينى
أوعدينى يانور سنينى
إوعدينى تعيشى جانبى وبين ايديا
:::::::::::::::::::::::::::::::::::::::::::::
ياللى نورك خلى نور الشمس ليل
ياللى قربك خلى طعم الشوق جميل
كل دقه في قلبي ليكى بميت دليل
إنى عاشقك وانتى كل الدنيا ديا
إوعدينى يدق قلبك بس ليا
:::::::::::::::::::::::::::::::::::::::::::::
ليه بلاقى فى قربى منك بسمتى
ليه ياعمرى يانور حياتى يا دنيتي
أيوه بيكى نسيت جراحى ودمعتى
بين ايديكى انا بنسي همى والأسيه
إوعدينى يدق قلبك بس ليا
:::::::::::::::::::::::::::::::::::::::::::::
لما تبعد يوم بلاقى الروح تتوه
تجري تسأل ليه عليك كل الوجوه
أيوه حبه ياناس فى قلبى واسألوه
لو هقدم روحى واللاه عليه شويه
إوعدينى يدق قلبك بس ليا
موضوع: القصيدة الفائزة بالمركز الثالث فئة الشعر الغنائى الشاعر /يوسف الفيشاوى 
السبت ديسمبر 22, 2018 3:19 pm